Mark 5
ព្រះយេស៊ូបណ្តេញវិញ្ញាណអាក្រក់ចេញពីបុរសម្នាក់
1ពួកគេបានមកដល់ត្រើយម្ខាងទៀត ▼▼«ត្រើយម្ខាងទៀត» គឺត្រើយខាងកើត។
នៃបឹង ▼▼«បឹង» គឺបឹងកាលីឡេ។ មាននៅក្នុង ៥:១៣,២១ ដែរ។
គឺដល់តំបន់របស់ពួកគេរ៉ាស៊ីន 2ហើយនៅពេលដែលព្រះអង្គបានយាងចេញពីទូកមានបុរសម្នាក់ដែលមានវិញ្ញាណអាក្រក់ ▼▼«វិញ្ញាណអាក្រក់» ជាវិញ្ញាណដែលអាចចូលមនុស្សបាន។ គេហៅវាថា «អាក្រក់» ព្រោះវាធ្វើឲ្យរបកាយមានភាពច្របូកច្របល់ ឬមានសកម្មភាពដែលធ្វើឲ្យមនុស្សមិនបរិសុទ្ធ ធ្វើឲ្យពួកគេមិនអាចចូលរួមក្នុងការថ្វាយបង្គំជាសាធារណ: រហូតទាល់តែភាពមិនបរិសុទ្ធរបស់ពួកគេ ត្រូវបានដកចេញ។ មាននៅក្នុង ៥:៨,១៣,១៥,១៦,១៨ ដែរ។
ចូលបានចេញពីផ្នូរខ្មោចមកជួបព្រះអង្គភ្លាម 3អ្នកនោះរស់នៅក្នុងផ្នូរខ្មោចហើយពុំមានអ្នកណាអាចចងគាត់បានទេទោះជាដាក់ច្រវាក់គាត់ក៏ដោយ 4ព្រោះគេតែងដាក់ខ្នោះជើងនិងចងគាត់ដោយច្រវាក់តែគាត់បានកាច់ខ្នោះជើងនិងផ្ដាច់ច្រវាក់នោះខ្ទេចខ្ទីអស់រួចគ្មានអ្នកណាម្នាក់ខ្លាំងអាចបង្ក្រាបគាត់បានទេ។ 5គាត់តែងតែស្រែករាល់ថ្ងៃរាល់យប់នៅតាមផ្នូរខ្មោចនិងភ្នំហើយបានយកថ្មមកឆូតខ្លួនឯង 6កាលឃើញព្រះយេស៊ូពីចម្ងាយគាត់ក៏រត់ទៅក្រាបថ្វាយបង្គំព្រះអង្គ 7និងទូលដោយសំឡេងស្រែកខ្លាំងៗថា៖ «ឱព្រះយេស៊ូជាព្រះរាជបុត្រារបស់ព្រះជាម្ចាស់ដ៏ខ្ពស់បំផុតអើយ! តើព្រះអង្គនិងខ្ញុំមានហេតុអ្វីនឹងគ្នា? ខ្ញុំសុំឲ្យព្រះអង្គស្បថនឹងព្រះជាម្ចាស់ថាមិនធ្វើទារុណកម្មខ្ញុំទេ» 8ដ្បិតព្រះអង្គបានមានបន្ទូលប្រាប់ទៅវាថា៖ «វិញ្ញាណអាក្រក់ចេញពីមនុស្សនេះទៅ!» 9ព្រះអង្គក៏សួរវាថា៖ «តើឯងឈ្មោះអ្វី?» ហើយវាឆ្លើយទៅព្រះអង្គថា៖ «ឈ្មោះខ្ញុំគឺកងទ័ព ▼▼«កងទ័ព» ជាវិញ្ញាណអាក្រក់ដែលមានចំនួនច្រើនដូចកងទ័ពមួយកងពលធំ ដូចនៅក្នុងកងទ័ពរបស់រ៉ូមមានចំនួនប្រមាណជាប្រាំមួយពាន់នាក់។
ព្រោះយើង ▼▼«យើង» គឺពួកវិញ្ញាណអាក្រក់ដែលចូលសណ្ឋិតក្នុងបុរសនោះ។
មានគ្នាច្រើន» 10ហើយវាបានអង្វរព្រះអង្គយ៉ាងទទូចកុំឲ្យបណ្ដេញពួកវាចេញពីស្រុកនោះ ▼▼«ស្រុកនោះ» គឺក្រុងគេរ៉ាស៊ីន (សូមមើលកំណត់ចំណាំក្នុង ៥:១)។
។ 11មានជ្រូកមួយហ្វូងធំកំពុងស៊ីចំណីនៅក្បែរភ្នំនោះ 12ពួកវាបានអង្វរព្រះអង្គដោយទូលថា៖ «សូមបញ្ជូនយើងទៅក្នុងសត្វជ្រូកទាំងនោះដើម្បីឲ្យយើងអាចចូលក្នុងពួកវាបាន» 13ព្រះអង្គក៏អនុញ្ញាតឲ្យពួកវានោះវិញ្ញាណអាក្រក់បានចេញមកនិងចូលទៅក្នុងសត្វជ្រូកទាំងនោះហើយហ្វូងជ្រូកដែលមានចំនួនប្រហែលជាពីរពាន់ក្បាលនោះក៏បោលតាមច្រាំងចំណោតចុះទៅក្នុងបឹងហើយលង់ទឹកអស់ទៅ 14ឯពួកអ្នកចិញ្ចឹមជ្រូកទាំងនោះបានរត់គេចខ្លួនអស់ហើយរៀបរាប់ពីការនេះនៅតាមក្រុងនិងទីជនបទនានានោះប្រជាជនក៏នាំគ្នាមកមើលអ្វីដែលបានកើតឡើង 15ពួកគេមកឯព្រះយេស៊ូហើយឃើញអ្នកដែលមានវិញ្ញាណអាក្រក់ឈ្មោះកងទ័ពចូលពីមុននោះបានស្លៀកពាក់និងអង្គុយទាំងមានស្មារតីឡើងវិញនោះពួកគេក៏មានសេចក្ដីកោតខ្លាច 16ហើយអ្នកដែលបានឃើញហេតុការណ៍នោះបានរៀបរាប់ប្រាប់ពួកគេពីអ្វីដែលបានកើតឡើងចំពោះមនុស្សដែលមានវិញ្ញាណអាក្រក់ចូលពីមុននិងហ្វូងជ្រូកទាំងនោះ 17ពួកគេក៏ចាប់ផ្ដើមអង្វរព្រះអង្គឲ្យចាកចេញពីស្រុករបស់ពួកគេ។ 18នៅពេលព្រះអង្គយាងចុះក្នុងទូកមនុស្សដែលមានវិញ្ញាណអាក្រក់ចូលពីមុននោះបានអង្វរព្រះអង្គសុំនៅជាមួយ 19ព្រះអង្គមិនបានអនុញ្ញាតឲ្យគាត់ទេប៉ុន្ដែមានបន្ទូលទៅគាត់ថា៖ «ចូរទៅផ្ទះរបស់អ្នកនិងសាច់ញាតិរបស់អ្នកហើយរៀបរាប់ប្រាប់ពួកគេពីការទាំងអស់ដែលព្រះអម្ចាស់បានធ្វើសម្រាប់អ្នកនិងបានមេត្ដាដល់អ្នក»។ 20គាត់ក៏ចាកចេញទៅនិងចាប់ផ្ដើមប្រកាសនៅស្រុកដេកាប៉ូលពីការទាំងអស់ដែលព្រះយេស៊ូបានធ្វើសម្រាប់គាត់ហើយមនុស្សគ្រប់គ្នាក៏នឹកអស្ចារ្យក្នុងចិត្ដ។ ស្ត្រីមានជំងឺម្នាក់បានជា និងក្មេងស្រីម្នាក់បានរស់ពីស្លាប់ឡើងវិញ
21ព្រះយេស៊ូបានចុះទូកឆ្លងទៅត្រើយម្ខាងទៀត ▼▼«ត្រើយម្ខាងទៀត» នៅត្រង់នេះព្រះយេស៊ូធ្វើដំណើរពីត្រើយខាងកើតទៅកាន់ត្រើយប៉ែកខាងជើងឆៀងខាងលិច គឺទៅកាន់ក្រុងគេនេសារ៉ែត។
មានមនុស្សច្រើនកុះករប្រមូលផ្ដុំគ្នាមករកព្រះអង្គដែលកំពុងគង់នៅមាត់បឹង 22ហើយមានប្រធានសាលាប្រជុំម្នាក់ឈ្មោះយៃរ៉ូសមករកព្រះអង្គកាលបានឃើញព្រះអង្គ ▼▼«កាលបានឃើញព្រះអង្គ» ឯកសារដើមខ្លះមិនមានឃ្លា «កាលបានឃើញព្រះអង្គ» ទេ។
ហើយគាត់ក៏ក្រាបចុះនៅទៀបព្រះអង្គ 23គាត់អង្វរព្រះអង្គយ៉ាងទទូចថា៖ «កូនស្រីខ្ញុំជិតស្លាប់ហើយសូមលោកទៅដាក់ដៃលើនាងដើម្បីឲ្យនាងបានជានិងមានជីវិតវិញផង» 24ព្រះអង្គក៏យាងទៅជាមួយគាត់ហើយមានមនុស្សច្រើនកុះករដើរតាមព្រះអង្គទាំងប្រជ្រៀតព្រះអង្គផង។ 25មានស្ដ្រីម្នាក់មានជំងឺធ្លាក់ឈាមអស់រយៈពេលដប់ពីរឆ្នាំមកហើយ 26នាងបានរងទុក្ខយ៉ាងខ្លាំងក្រោមការព្យាបាលពីគ្រូពេទ្យជាច្រើនហើយបានចំណាយអ្វីៗទាំងអស់ដែលនាងមានប៉ុន្ដែមិនបានផលអ្វីឡើយផ្ទុយទៅវិញកាន់តែឈឺធ្ងន់ថែមទៀត។ 27នៅពេលបានឮអំពីព្រះយេស៊ូនាងក៏មកក្នុងចំណោមបណ្ដាជនហើយពាល់ ▼▼«ពាល់» ព្រោះការដែលស្ត្រីមានជំងឺធ្លាក់ឈាមពាល់ព្រះយេស៊ូ ធ្វើឲ្យព្រះអង្គមិនស្អាត យោងតាមវិន័យរបស់សាសនាយូដា។
អាវ ▼▼«អាវ» សូមមើលរូបភាពខាងលើអំពីសម្លៀកបំពាក់នៅសម័យព្រះគ្រិស្ត។
របស់ព្រះអង្គពីខាងក្រោយ 28ដ្បិតនាងបាននិយាយថា៖ «ប្រសិនបើខ្ញុំបានពាល់ត្រឹមតែអាវរបស់លោកនោះខ្ញុំនឹងជាសះស្បើយមិនខាន» 29ភ្លាមនោះឈាមឈប់ធ្លាក់ហើយនាងបានដឹងនៅក្នុងខ្លួនថានាងបានជាសះស្បើយពីជំងឺគ្រាំគ្រានោះហើយ។ 30ព្រះយេស៊ូជ្រាបក្នុងអង្គទ្រង់ភ្លាមថាអំណាចបានចេញពីព្រះអង្គទៅព្រះអង្គក៏បែរទៅបណ្ដាជននិងមានបន្ទូលថា៖ «តើអ្នកណាបានពាល់អាវខ្ញុំ?» 31ពួកសិស្សទូលព្រះអង្គថា៖ «លោកគ្រូក៏ឃើញមនុស្សជាច្រើនប្រជ្រៀតលោកគ្រូដែរម្ដេចក៏សួរថាតើអ្នកណាពាល់ខ្ញុំយ៉ាងដូច្នេះ?» 32ប៉ុន្ដែព្រះអង្គនៅតែមើលជុំវិញរកមើលអ្នកដែលបានពាល់ព្រះអង្គ 33ស្ដ្រីនោះបានដឹងពីអ្វីដែលបានកើតឡើងចំពោះនាងក៏មកទាំងភ័យញ័រនិងក្រាបនៅចំពោះព្រះអង្គហើយទូលប្រាប់ការពិតទាំងស្រុង 34ព្រះអង្គក៏មានបន្ទូលទៅនាងថា៖ «កូនស្រីអើយ ▼
▼«កូនស្រីអើយ!» ជាពាក្យសំដីសំដែងសេចក្តីស្រលាញ់ ស្រ្តីនោះមិនមែនជាកូនរបស់ព្រះយេស៊ូទេ។
! ជំនឿរបស់នាងធ្វើឲ្យនាងជាសះស្បើយហើយចូរទៅដោយសេចក្ដីសុខសាន្ដនិងជាពីជំងឺរបស់នាងចុះ»។ 35ពេលព្រះអង្គកំពុងតែមានបន្ទូលមានគេមកពីផ្ទះប្រធានសាលាប្រជុំប្រាប់ថា៖ «កូនស្រីលោកបានស្លាប់ហើយតើលោកនៅតែរំខានលោកគ្រូធ្វើអ្វីទៀត?» 36ប៉ុន្ដែព្រះយេស៊ូមិនខ្វល់ពីពាក្យដែលគេនិយាយនោះទេក៏មានបន្ទូលទៅប្រធានសាលាប្រជុំថា៖ «កុំខ្លាចអីគ្រាន់តែជឿប៉ុណ្ណោះបានហើយ»។ 37
ព្រះអង្គមិនអនុញ្ញាតឲ្យអ្នកណាម្នាក់ដើរតាមព្រះអង្គទេលើកលែងតែលោកពេត្រុសលោកយ៉ាកុបនិងលោកយ៉ូហានជាប្អូនលោកយ៉ាកុប។ 38ពេលពួកគេមកដល់ផ្ទះប្រធានសាលាប្រជុំព្រះអង្គឃើញភាពជ្រួលច្របល់និងការទ្រហោយំយ៉ាងខ្លាំង 39ព្រះអង្គក៏យាងចូលទាំងមានបន្ទូលទៅគេថា៖ «ហេតុអ្វីក៏អ្នករាល់គ្នាកើតទុក្ខនិងទ្រហោយំដូច្នេះ? ក្មេងនេះមិនទាន់ស្លាប់ទេនាងកំពុងតែដេកលក់ទេតើ»។ 40
ពួកគេក៏សើចចំអកឲ្យព្រះអង្គប៉ុន្ដែព្រះអង្គបានបណ្ដេញមនុស្សទាំងអស់ទៅខាងក្រៅហើយយកឪពុកម្ដាយរបស់ក្មេងនោះនិងពួកអ្នកដែលនៅជាមួយព្រះអង្គចូលទៅកន្លែងក្មេងនោះនៅ 41ព្រះអង្គក៏ចាប់ដៃក្មេងនោះទាំងមានបន្ទូលថា៖ «តាលីថាគូមី ▼
▼«តាលីថាគូមី» ជាពាក្យក្នុងភាសាហេព្រើរ។
» មានន័យថា«នាងតូចអើយខ្ញុំនិយាយទៅកាន់នាងចូរក្រោកឡើង» 42ស្រាប់តែក្មេងស្រីនោះក្រោកឡើងហើយដើរភ្លាមព្រោះនាងមានអាយុដប់ពីរឆ្នាំហើយពួកគេក៏មានការអស្ចារ្យក្នុងចិត្ដយ៉ាងខ្លាំងភ្លាមៗនោះដែរ 43ហើយព្រះអង្គបានបង្គាប់ពួកគេយ៉ាងម៉ឺងម៉ាត់ថាកុំឲ្យអ្នកណាដឹងរឿងនេះជាដាច់ខាតនិងប្រាប់ពួកគេឲ្យយកអាហារមកឲ្យនាងបរិភោគ។
Copyright information for
KhmKCB